Snoekkoekies met sitrus mayonnaise

Probeer gerus hierdie maklike resep van Herman Lensing en maak dit in ‘n lugbraaier (airfryer)!

Genoeg vir 4-6

• 30 ml botter , gesmelt
• 1 ui, fyngekap
• 2 knoffelhuisies, fyngekap
• 400 g gerookte snoek, fyngevlok
• 4 takkies tiemie, fyngekap
• 50 ml koekmeel
• 2 eiers
• sout en varsgemaalde swartpeper
• 100 g broodkrummels
• 30 ml olyfolie
• 200 ml mayonnaise van goeie gehalte
• slaaiblare van jou keuse
• 2 suurlemoene, in wiggies

Verhit lugbraaier op braaifunksie tot warm. Meng botter, uie en knoffel. Voeg by gevlokte snoek saam met tiemie, meel en 1 eier. Meng goed saam. Geur met sout en swartpeper. Vorm koekies van sowat 100 g elk. Klits ander eier in 'n plat bak. Doop koekies in eier en dan in broodkrummels. Pak koekie sin mandjie van lugbraaier. Braai koekies sowat 5 - 8 minute aan 'n kant of tot goudbruin en gaar. Sit warm voor saam met mayonnaise, slaai en suurlemoen.