Jou Motorfiets

Padbystand

As jy jouself in 'n padpenarie bevind, kan jy op ons knoppie druk. Hierdie bystand is tot jou redding sou jou motorfiets onklaar raak langs die pad, jy gaan staan sonder brandstof of met 'n pap wiel of battery sukkel.

Huisbystand

Ongelukke in en om jou huis kan jou onverwags tref. Maar wees gerus: ons sal die uitroepfooi en die eerste uur se arbeid vir die dienste van loodgieters, elektrisiëns, vensterpassers en slotslypers dek. Ons het ook 'n databasis van bouers, tuindienste, verwers, ens. na wie ons jou kan verwys.

Regsbystand

Om aan die ontvangkant (of selfs die uitdeelkant) van regsaksies te wees, is nie 'n aangename ervaring nie. Virseker haal die angel daaruit deur jou telefoniese regs - en belastingadvies te bied, vir die kere wanneer jy iemand nodig het wat nie net jou taal nie, maar ook jou situasie verstaan.

Traumabystand

In 'n tyd van trauma het mens al die ondersteuning nodig wat jy kan kry. Hierdie diens bied jou onder andere drie beradingsessies, verwysing na groepsterapie, bystand met hofprosesvoorbereiding en verwysing na 'n plek van veilige skuiling.

Mediese Bystand

In 'n mediese krisis het jy die beste mediese advies nodig om iemand te kan help, of selfs 'n lewe te red. Omdat ons dit verstaan, gee ons jou 24-uur toegang tot telefoniese mediese bystand, padbystand met 'n ongeluk, vervoer van lewensnoodsaaklike medikasie, ens.