Huisinhoudversekering

 

Jou Huisinhoudversekering dek alles wat uitval wanneer jy jou dak afhaal en jou huis omkeer. So alles wat jou huis lekker snoesig maak en daardie goedjies kos gewoonlik ʼn klein fortuin. Dus baseer Virseker jou premie op wat dit ons gaan kos om al die inhoud in jou huis te vervang as jy beroof word, of jou besittings verwoes word deur 'n natuur-ramp. Die uitbetaling werk op 'n persentasie-basis van die bedrag waarvoor jy verseker is en wat die ware waarde van jou huisinhoud is. Dus is dit belangrik om seker te maak dat jy nie onderverseker is nie, want as ons jou dan uitbetaal, sal dit nog minder as jou versekerde waarde wees.

 

Waarvoor dek Huisinhoudversekering jou?
• Meubels
• Klere
• Elektroniese en elektriese toerusting
• Gordyne
• Los matte
• Tuinmeubels
• Gereedskap
• Geld
• Persoonlike dokumente
• Waardevolle muntstukke
• Seëls
• Kos in jou yskas
• Vuur
• Diefstal
• Vloede
• Openbare-, huiswerker- en huurder aanspreeklikheidsdekking (jy het ook die opsie om dit op te skuif na R5, R10 of R20 miljoen toe)

Huisinhoudversekering kombineer verskeie tipes persoonlike versekering soos verlies of skade aan jou huisinhoud en persoonlike besitting wat in jou huis is. Openbare aanspreeklikheid is ook ingesluit in huisinhoudversekering. Dit beteken dat ons jou dekking sal gee as iemand wat in jou huis bly of werk beseer is of doodgaan in 'n ongeluk by die huis. Jy kry ook 24-uur-noodbystand wat jy kan bel of laat uitkom in 'n noodgeval situasie by jou huis.