Jou Karavaan

Karavaanversekering dek jou karavaan teen skade of diefstal. Jy sal ook gedek wees vir skade wat jou karavaan aan iemand anders se eiendom aanrig. As jou karavaan skade kry, sal dit ook gedek wees vir insleep- en bergingskostes om dit na die naaste hersteller te neem. Daarvoor moet jy asseblief onthou om Virseker heel eerste te bel. Die gedekte karavaan mag slegs vir sosiale en persoonlike doeleindes gebruik word – geen besigheid nie.

Karavaaninhoudversekering word nie outomaties by jou karavaanversekering ingesluit nie. Onthou om karavaaninhouddekking by jou karavaankwotasie te voeg om te verseker dat die inhoud van jou karavaan ook die dekking ontvang wat dit benodig.

Jou karavaaninhoud sal dekking ontvang vir skade as gevolg van brande, weerlig, ontploffings, moedswillige skade, aardbewings, storm, vloed en vallende bome wat nie afgekap word nie.